_ياريت.
-ركز في اسئله عاوز اجابتها والاوركال هيرد عليك
-اسئله عامه ..ولا ايه
_الي تبغاه..مش مشكل
_ابتدي
تصمت قليلا وتحاول ان تركز في شيئ ما و نبدأ قراءه اوراق الأوراكل
_ acceptance, self love and your path
_ممكن تشرحيلي
Acceptance
تقبل الماضي و مسامحه نفسك علي اخطائك و ردود افعالك..انك تتصالح مع نفسك القديمه..انك تنسي او تتناسي مش ده الحل..الهروب دايما مسكن مش علاج.
دايما الخير والشر هيحصلوا ليك مهما حصلوا ليك و مهما عملت مش هتقدر تبعد عنهم..الحياة رحله صعبة و خصوصا علي المختلفين..احنا مختلفين و بندفع ده كل يوم..لازم نتقبل ده و نهضمه و نعرف اننا هنعاني..كل انسان بيعاني
Self love
*ازاي اواجه الناس من غير فلتر يعني
+صدقني انت احلي من الفلاتر
بس احنا اتعودنا علي اننا مش حلوين كفاية..ماما كانت دايما تقولي ريحه عرقك وحشه..جدتي كانت بتقولي ان عينيا صغيره..اخوك شعره حرير..ياريتك خدت عنيك باباك..الا يعني غامق زي امك ليه..
انا وحش خلاص عرفت
نفسي تبطل كدب..انت ليه جبان..انت لسانك متبري منك و علطول بتقول..يبني طيبتك دي هتوديك ف داهيه..مشفتش في خبثك..انت ليه كده؟..عاق..نجس..خطاف رجاله..نقال كلام..ضعيف..شاذ..
انا وحش خلاص عرفت ..اسكتوا بقي
My path
انا بعد الايام هنا ف هولندا..انا اتنفيت من مصر باختياري بعد ما كل باب اتقفل قصادي..بعد ما نفسيتي اتدمرت و كافحت بس اني افضل طبيعي..كانت معاناتي ازاي الخرا الي بشوفه ميحولنيش لمسخ..حاولت وحاولت لحد ما جيت هولندا
هولندا دي اكبر علامه استفهام في حياتي
مشهد خارجي لاحد شوارع امستردام ليلا بينما كنت مع اصدقائي
_can i walk next to you
قالتها وهي ترتعش من الخوف يبدو ان أحدهم يهددها..كانت مرتعبه و القلق يمزق وجهها..ولكني لم اجد احد استغيث به عندما كنت في موقفها..لم اكن في امستردام مثلها يمكنني ان اتصل بالشرطه او اقابل بعض الناس ليهدوا روعي..كنت بجوار المقابر في منطقه نائيه اصارع الموت
مكتب وزاره الهجرة والتجنيس
مشهد داخلي صباحي..المحققة وبجوارها مترجمه وانا مقابل لهم
_ليه رجعت له تاني بعد ما قالك امشي ؟
_انا مشيت خطوات
_ليه رجعت تاني
عمري ما فكرت فيها..حاولت افكر ليه رجعت تاني
_كنت عاوز اموت
_ركز في اسئله عاوز اجابتها والاوركال هيرد عليك
-اسئله عامه ..ولا ايه
_الي تبغاه..مش مشكل
"يا تري هشوف الي بحبهم تاني "
_ابتدي
