2009/09/29

رسائل لن تصلك ابدا

نفسى تقولى كلام كتير
نفسى تقول وحشتنى
نفسى اسمعها بطريقتك
نفسى تقولى اسف
نفسى تعتذر
نفسى تقولى سامحنى
نفسى تقولى عرفت قيمتك
حياتى من غيرك عذاب
الدنيا فراغ من غيرك
نفسى اسمع الكلام ده
اى شيئ يضمد جرحى
جرحى الى هلكنى وحرق قلبى
اداوى بكلامك كرامتى
الى مملكش غيرها
كرامتى الى نزفت فى حبك
وياما حاولت انا اخدعها باى كلام
عشان ادارى بيها افعالك
معرفش انا كنت غلطان فى ايه
نفسى تقولى سامحنى
بس تعرف الكلمه دى ملهاش معنى
لانى سامحتك
ومسامحك
ومن اول يوم
وان قلت انى مسامحتكش
فده اثبات لنفسى انى مبحبكش اوى كده
لكن للاسف
انا مسامحك
ومشتاق ليك
بس تعرف
برضه مافيش امل
لانك مش تستاهل اى حاجه من كل ده
ولا هتقدر اى حاجه منى
معرفش ده عيب منى ولا عيب منك
اول مره افهم معنى الكلمه دى
الى انكسر عمره ما يتصلح
صمتك يا صديقى
صمتك القاتل
الذى تظن ان به تتلافى المشكله
ولا تعرف انه يزيدها
صمتك وعنادى
هما الكفيلان بقتل تلك العلاقه
بل وأدها للابد

هناك تعليقان (2):

ismail_20005 يقول...

جميله هذه الكلمات التى تعبر عن مايجول بخاطرى وأتمنى أن اسمعها من انسان احبه لكن للأسف لا أسمعها أبد وأظل أنتظرها لكن إلى متى

صديقك على الفيس بوك
كريم شريف

alcie يقول...

كلنا ننتظرها ولكن للاسف لا تاتى لا اعرف لماذا