2014/02/28

نص حالة

زى مايكون الى بينا شيئ غريب..لعنة الحب الى بتذل الحبيب..نص ضحكة..نص فرحة..نص حالة

عارف انت الحالة دى..أوعى تخشها..اوعى تحب حد من طرف واحد..اوعى تقبل تكون شمعه تحترق فى صمت..يا هتحرقه يا هتحرقك..مافيش حل تالت..مافيش غير النهاية دى.طال الوقت ام قصر هتخسر نفسك فى اللعبة دة..هتتحسر ميت مرة وانت بتشوفه مع غيرك..وهو بيقهقه على نكته انت مقلتهاش..على حضن حضنه ليه وانت واقف..هتموت كام مره قبل متعرف تبعد عنه..هتحارب سعادته عشان يشاركك تعاستك لكن عمره مهيشاركك حبك..عمره مهبفكر فيك كأولوية ..كشخص مميز..هتفضل وسط البقيه وهيفضل هو غيرهم عندك..أهرب لو تعرف..عشان اللعبه دى هتخسرك أغلى شيئ عندك..نفسك

عارف أنت لما تطولوا سوا وميبقاش هو..أتغير..مبقتش عجباه الحاجات الى كانت بتعجبه زمان..بقى شايف مميزات غيرك..بقى مش حاسك ولا أنته..فى شيئ أنكسر بينكم..ضحكه بقت تطلع مجامله..بوسه مبقتش تطول زى اﻷول..شكوى مكنتش بتسمعها زمان..عارف الحالة دى..أبعد..اه أبعد..الحب هو الشيئ الوحيد الى يخليك تكمل ولو غاب يبقى إيه لازمتها..ايه الى هيخليك تكمل وانت مش حاسس بحبه..ايه الجميل فى أعذاره..الناس..صح عندك حق..هيقولوا انك مش بتاع أرتباط..هيقولوا أنت الوحش..هيقولوا هيقولوا..على فكره ينفع تكسملهم ومتخسرش نفسك..متضيعش لحظه حلوة مع حد ميستحقش يشاركك فيها..حد مش باقى عليك

مافيش شيئ فى الدنيا متجدد..كل شيئ بيخلص..العمر بيخلص..الضحك بيخلص..الحاجات الى كنا هنموت عليها بتروح رغبتنا فيها..المشاعر كمان بتخلص..اه ممكن قصه تستنزف مشاعرك لدرجة القتل..لدرجه تخليك تلاجه..منتش حاسس بحاجه..لدرجه تخليك منتش عارف مين بيحبك ومين بيكرهك..حافظ على مشاعرك واديها للى يستحقها..اعقلها وقت متحتاج العقل وابعد مشاعرك واسال نفسك..هو ده الى هحس معاه بامان..الى هحارب كل حاجه عشانه..هو ده الى هيقف معايا فى ازمه..هو ده الى بيحبنى..لو مقلتش أكيد هو متكملش..لو قلت تقريبا..متكملش..لو قلت يمكن متكملش..متضيعش مشاعرك فى قصه فاشله ..الى عندك غالى والله..اهتمامك ببه ..حبك ليه..خوفك عليه..الحاجات دى لازم تطلع للى مناسب

خايف من الوحده..انا عديت بالحالتين واخترت الوحده..مش طاير من الفرحة بس مش خسران نفسى..عارف أنبسط..وعندى حياتى وشغلى وصحابى..بس ان خسرت ناس فانا مخسرتش نفسى..لسا عندى الى اديه للى يستحق..وان كنت يئست انه يجى..بس هو ديما كده بياتى الحب عندما تيأس من مجيئه..فكر فى حياتك وكن بطلها وخد قرارات حاسمه وتأكد أن هناك شخص هيعوضك عن كل حاجه..هيستحلى كل الى قبله كرهوه..هيشوفك من جوا..بس ساعتها بليز متعملش فيه الى أتعمل فيك

ودمتم طيبين

هناك 3 تعليقات:

غير معرف يقول...

ما شاء الله عليك يا إياد من يومك وانت عندك الحس العاطفي الف مبروك لرجوعك للمدونة بس كنت افكر انك هلأ عايش مرتاح ومتزوج وخلصت من حالة الضياع الي احنا فيها بس اكتشفت انه هاي الحالة مالها علاح لا راجل يسعد ايامك ولا منقدر نتزوج والله تعبنا كتير

غير معرف يقول...

بس برضه اشتقنالك واشتقنا الى نغماتك وعذابة لسانك وارجوك طمئنا عن حالك يا صديقي اياد

غير معرف يقول...

تمااما إياد..كأنني اتحدث معي :'(
اشكرك من أعمااقي..
نصائحك أيدتني